Posting ini cuma par renungan for katong samua yang ingin orang sissodi tetap exist di huaponno (Ambon) ini.
Hari senin kamaren bertepatan deng hari imlek, HMI komisariat MIPA (Matematika dan Ilmu Pengetahuan Alam) deng HMI Komisariat Teknik dong biking Basic Training (LK-1), kebetulan beta ketua HMI Komisariat MIPA (tapi su mau abis periode he....he....). setelah pembukaan, acara bajalang biasa-biasa sa. tapi, menjelang sore, ada sekitar 7 atau 9 orang peserta turun dari oto. dong langsung masu ka arena LK-1. pas beta tanya-tanya bagini, ternyata dong samua itu utusan dari organisasi paguyuban Forum Pemuda Mahasiswa Seram Bagian Barat (beta su lupa akang pung nama, tapi itu IPPMASSI pung basudarao juga koi....).
yang menjadi permasalahan sebenarnya, kanapa IPPMASSI seng bisa pung pemikiran kayak bagitu. memang setiap rapat, selalu ada suara kalo IPPMASSI harus kas distribusi dong pung kader-kader ka setiap organisasi kepemudaan di Ambon ini. tapi seng pernah ada realisasi. sekedar info sa, peserta yang beta bilang tadi itu, difasilitasi lengkap oleh dong pung organisasi baik ongkos transportnya maupun yang lain-lain (malayo bilang De El El).
marilah katong sama-sama bergandengan tangan memajukan katong punk kader-kader IPPMASSI agar bisa memimpin katong punk organisasi ini ke depan. jang talalu mengharapkan LDK yang IPPMASSI buat. sebagai contoh saja, petinggi-petinggi dalam struktur kepanitian LDK sekarang adalah Alumni LDK angkatan kedua, tapi coba lihat bagaimana dong pimpin rapat panitia, malayo bilang akang paleng talamburang. sampe-sampe katong punk Ketum, Sekum, abang Wahyu, abang Pano dong sampe pastiu karena setiap rapat katong harus kasih tahu dong cara memimpin rapat yang baik itu kayak bagimana. untung saja abang-abang itu masih ada exist, lalu kalo dong su sibuk lae, lalu IPPMASSI ini sapa yang mau lia akang.
Jadi, beta maunya katong didik katong punk ade-ade itu dengan dasar organisasi di IPPMASSI trus katong distribusi dong ka OKP-OKP yang ada di Ambon agar jam terbang dong di organisasi bisa tinggi sehingga ujung-ujungnya kan dong nanti bangun IPPMASSI ini lebih maju lagi ke depan.
katong seharusnya bisa start dari sekarang, mengingat saat ini orang siri-sori yang jadi ketua komisariat hanya dua orang, satu beta yang su mau demisioner deng satunya baru tapilih kamaren dia jadi ketua HMI komisariat Ekonomi Unidar (abang Ghye dong punk ade-ade jua koi.....). sebagai info saja, periode kamaren cuma beta sandiri yang jadi ketua komisariat.
lalu, abang Ghye....eeee.... Konfercab su mau dekat nie, lalu bagaimana????????????.
Kapan katong bisa jaya lae kayak periodenya abang Ghye deng abang Bat dong eeee.....
Salam for Basudarao samua........
Wed Jan 28, 2009 12:12 pm