Tabaos Anana IPPMASSI Ambon (I)
"Carita Tukel Par Tenga Malam"
Carita pung carita....! tamang...e orang bilang kaloo su dudu sandiri la menghayal tingkat tinggi tu akang pung rasa kaya apaeeee, su rasa sanag pas kali...! Dar jaoo su dengar ada orang tatawa par tenga malam, seng tau dong ada carita apa tu,, sampe su seng malu hati par babermang lai. Basudara mau tau anana tu dong ada carita apa...?
Malam tu, Kaka Phano Kaplale deng dia pung ade-ade dong su dudu di muka leptop, seng tau dong ada biking apa deng akang barang tuuuu. Mangkali dong nontong flim Malayo Bilang ka apaee... aha....eee?? su lia serius lawang.
Tarnyata.... kaka phano ni paksa dia punya kawanua bagadang par biking dong pung hajatan LDK I IPPMASSI Ambon. Dong samua serius paskali deng kaka phano pung tukel IPPMASSI par tenga malam itu. Seng tau....... laki-laki itam manggostang ni, dia pake pakatang apa sampe sampe anana dong pung talingang su badiri kaya rusa.
Carita pung carita anana dong seng tau ka,,,,, Nurlan Saimima su campor garam di akang kopi mix tuuuu. Sampe dong pung mata su lia kaya deng ikang garopa paskali.
" eee jang sabarang,,,, kalo su lat bagini paleng bagus katong biking apa ale" tukel ade Ukhy Watihelu, su mulai nai. Laki laki yang tinggal di Kampung Oihu Batumerah ni su mulai bongkar carita aleeee. Mmm Tapi dia carita apa ee. katong dengar doloo.....!, Ana ni mangkali su seng ada sabatang lai, lalu su mulai carita sabarang.
Malam tu ..... Opan Hole & Risal su pastiu sampe talantang di atas paparisa,,,,, su lia sama deng ikang julung karing di waya,,,,,.
Sabar dolooo... ? lalu ade Afod Patty sumulai angka suara. laki-laki tu carita banya..... sampe dia gagartang.
Seng tau kanapa............ ternyata ni anana dong seng pastiu paskali deng dia pung tukel sadiki tu.......u. Gara-Gara Afod pung gagartang......? sampe-sampe Opan deng Risal tacigi bangong dar atas paparisa. " mamaeeee Afod se pung suara kaya marinyo paskali" abang efol Saimima su buang suara.
Asik carita,, dong seng tau ka....... cicak di dinding su buang suara ..... swit.. swit..swit oras barapa ni.....? tanya par tanya,, dengar bagini ayam su bakuku. Samua langsung tacigi par akang suara ayam saekor tu....u....u. mangente pung mangente ternyata ayam tu... su pastiu dengar dong pung carita...... Ioeee Ternyata Ayam jua bagadang deng dong. Bisa lai........(Ayam manyao........ Cape deh.....)
"Sampe disini dolo katong pung istori sadiki ni..eee. Nanti kong Sambung laee...Dangke banya-banya "
Thu Jan 15, 2009 4:54 pm
