Sstttt!!! Anana SD Ujian
Sore-sore waktu makang pisang goreng bola-bola di muka pintu, Abang Upang Kaplale deng Caca Yam Sanaky ada bacarita asik paskali .
Yam Sanaky : " Upangee, anana SD skarang ada ujian (Ujian Akhir Sekolah Berstandar Nasional-UASBN) ni eee? Tiga hari niii?"
Abang Upang : "Itu akang suda. Akang pung musim ni?"
Yam Sanaky: "Se bilang musim lebe jahat dar musim panas deng musim ujang."
Abang Upang : "La memang bagitu suda moooo.."
Yam Sanaky : "Seng rasa eee?? Padahal kaya dolo baru mau maso skola sa, eh, seng lama lai su mau lulus."
Abang Upang : "La barang dong mau tinggal kong kacil saja? Seng to? Se ni, batanya barang yang seng maso akal!"
Yam Sanaky : "Bukang bagitu.. Orang cuma bilang saja moooo.."
Abang Upang : "Yang penting dong bisa lulus saratus persen. Kalo taong kamareng tu, 93 persen "
Yam Sanaky: "Iooo.. La bisa lanjut ka SMP ka Madrasah Tsanawiyah ka, ."
Abang Upang : "Batul. Asal jang putus skola."
Yam Sanaky : "Itu yang orang bilang, pata pena di tenga jalang."
Abang Upang : "Ha ha ha.."
Yam Sanaky : "Kebanyakan kalo ada yang seng mau dong anana lanjut skola lai. Cukup abis SD la bantu-bantu mama deng papa bajual ka, bacuci ka, bawa parao ka, karja kabong ka, deng macang-macang."
Abang Upang : "Itu akang. Pikirang-pikirang bagitu yang musti buang akang dar jao-jao hari."
Yam Sanaky : "Mar pisang goreng enak eee?? Tamba dooo.."
Abang Upang : "Galojo.."
Yam Sanaky: "Os jua nanti kalo di beta ruma, cake sampe licing skali. Kalo parlu, sampe jilat piring."
Abang Upang : "Kutok!! Pi di dapor jua.
Tue May 12, 2009 8:10 pm